ئاڵوگۆڕی بازرگانیی نێوان ئەمریکا و تورکیا نزیک دەبێتەوە لە ٤٠ ملیار دۆلار

ئیستانبوڵ ــ AA

باڵیۆزی ئەمریکا لە ئەنقەرە، جێفری فلەیک ڕایگەیاند کە قەبارەی ئاڵوگۆڕی بازرگانیی نێوان وڵاتەکەی و تورکیا، نزیک دەبێتەوە لە ٤٠ ملیار دۆلار.

جێفری فلەیک لە کۆڕبەندی بازرگانی نێوان ئەورووپا و ئۆراسیا کە لە ئیستانبوڵ بەڕێوەچوو، باسی لەوە کرد کە دەرفەتی گەورە بۆ کۆمپانیا تورکییەکان و ئەمریکییەکان لە بواری وەبەرھێناندا ھەیە و جەختی لەوە کردووە کە پەیوەندی بازرگانیی نێوان ھەردوو وڵات، پتەوتر دەبێت.

ڕاشیگەیاند کە قەبارەی ئاڵوگۆڕی بازرگانیی نێوان وڵاتەکەی و تورکیا، نزیک دەبێتەوە لە ٤٠ ملیار دۆلار.

باڵیۆزی ئەمریکا لە ئەنقەرە، جێفری فلەیک باسی لەوەشکرد کە لە میانی ئەمساڵدا، یەک ملیۆن و ٥٠٠ ھەزار گەشتیاری ئەمریکا بۆ بەسەربردنی پشووی ھاوینە، سەردانی تورکیا دەکەن و گوتی: "بۆ ساڵی داھاتوو، ئەو ژمارەیە زیاد دەبێت و دەگاتە دوو ملیۆن گەشتیار".