کێڵگەی ماسی رازاندنەوە لە ناوەڕاستی کێڵگەی پەموودا

هاتای - AA

وەبەرهێنەری هاتای، گالیپ بیچەر ئەو ماسیانەی لە کێڵگەی بەرهەمهێنانی ماسی رازاندنەوە کە لە دەشتی ئامیک دروستی کردووە لە بازاڕەکانی زۆرێک لە پارێزگاکانی تورکیا دەیانفرۆشێت.

گالیب بیچەری تەمەن ٥٤ ساڵ کە سالانێکە سەرقاڵی کاری پێت شۆپە، بەهۆی حەز و خولیای بۆ ماسی رازاندنەوە نزیکەی پێنج ساڵ پێش ئێستا بڕیاری دا لە ناوچەی ئالاتین سەربە شارۆچکەی ئەنتاکیا لە ناوەڕاستی کێڵگەیەکی پەموو لەسەر رووبەری ١٣ دۆنم زەوی کێڵگەیەکی بەخێوکردنی ماسی رازاندنەوە بنیات بنێت.

لەو کێڵگەیەدا کە پێشتر هەنار بەرهەمهێنراوە گالیب بیچەر بە هەوڵ و ماندووبوونێکی زۆر پرۆژەکەی بنیاتناوە کە جۆرەها ماسی رازاندنەوەی تیادا بەخێودەکات کە سەرەتا بە بەخێوکردنی ماسی ژاپۆن و ڤاتۆز دەستیپێکرد.

گالیب بیچەر بە بەهای یەک لیرە و نیو بۆ ٢٥ لیرە ماسییەکانی لە بازاڕی ناوخۆدا دەفرۆشێت و بەشێکی گرنگیی پێداویستی بازاڕی ناوخۆ دابین دەکات.

ناوبراو لە لێدوانێکیدا بۆ ئاژانسی ئانادۆڵو، باسی لەوە کرد کە پێنج ساڵ لەمەوبەر پرۆژەکەی بە زەحمەتێکی زۆر بنیاتناوە و دەرەنجامی جوانی هەبووە.