ئورفا .. له‌ ئۆپه‌راسیۆنێكدا دژی په‌كه‌كه‌ پۆلیسێک گیانی له‌ده‌ستدا

ئورفا- AA

له‌ شارۆچكه‌ی هالفه‌تی سه‌ربه‌ ئورفا، له‌ ئۆپه‌راسیۆنێكدا بۆ سه‌ر تیرۆریستانی په‌كه‌كه‌، یاریده‌ده‌رێكی لێكۆڵه‌ر گیانی له‌ده‌ستدا و دوو پۆلیس برینداربوون.

له‌ راگه‌یه‌نراوێكدا كه‌ له‌لایه‌ن پارێزگای ئورفاوه‌ بڵاوكراوه‌ته‌وه‌، ئاماژه‌ به‌وه‌كراوه‌ له‌ گه‌ڕه‌كی ده‌رگیلی شارۆچكه‌ی هالفه‌تی سه‌ربه‌ ئورفا، ئۆپه‌راسیۆنێك بۆ سه‌ر ئه‌ندامانی رێكخراوی تیرۆریستی په‌كه‌كه‌ ئه‌نجامدراوه‌.

ئاماژه‌ به‌وه‌شكراوه‌ له‌ ئه‌نجامی ئۆپه‌راسیۆنه‌كه‌دا دوو تیرۆریست له‌ چالاكی خراون، جێگرێكی لێكۆڵه‌ر گیانی له‌ده‌ستداوه‌ و دوو كارمه‌ندی دیكه‌ی پۆلیس برینداربوون.