ئیزمیر.. دەستگیرکردنی ٢٣ گومانلێکراوی فەتۆ

ئیزمیر - AA

لە ئۆپەراسیۆنێکدا بۆسەر ماڵە نهێنییەکانی رێکخراوی تیرۆریستیی فەتحوڵڵاچی (فەتۆ) لە ئیزمیر، ٢٣ گومانلێکراو دەستگیرکران.

لە چوارچێوەی ئەو لێکۆڵینەوەیەی کە لەلایەن سەرۆکایەتی داواکاری گشتیی کۆماری ئیزمیر و سەرۆکایەتی داواکاری گشتیی ژمارەیەک پارێزگای دیکەوە بەڕێوەدەچێت، تیمەکانی بەڕێوەبەرایەتی پارێزگاکە ئۆپەراسیۆنێکیان بۆ دەستگیرکردنی ئەو گومانلێکراوانە دەستپێکرد کە بڕیاری دەستگیرکردنیان بۆ دەرکراوە.

تیمەکانی بەڕێوەبەرایەتی هۆبەی بەرەنگاربوونەوەی تاوانە رێکخراوەکان و بەڕێوەبەرایەتی هۆبەی هەواڵگریی سەربە بەڕێوەبەرایەتی ئاسایشی پارێزگاکە، ئۆپەراسیۆنی هاوکاتیان بۆسەر ماڵە نهێنییەکانی فەتۆ ئەنجامدا و ٢٣ گومانلێکراویان دەستگیرکرد.

هەروەها لە هەڵمەتێکی گەڕان و پشکنیندا کە لەو ماڵە نهێنیانە بەڕێوەچوو، دەستبەسەر ١٣ هەزار یورۆ، دوو هەزار و ٧٠٠ دۆلار، ٤٨ هەزار و ٦٥٠ لیرە و ژمارەیەکی زۆر کەرەستەی دیجیتاڵیدا گیرا.

هاوکات ئۆپەراسیۆنەکە بۆ دەستگیرکردنی پێنج گومانلێکراوەکەی دیکە، درێژەی هەیە.