ئیستانبوڵ .. ئۆپەراسیۆن بۆسەر داعش

ئیستانبوڵ - AA

پارێزگای ئیستانبوڵ بڵاویکردەوە لە ئۆپەراسیۆنێکدا بۆسەر ژمارەیەک گومانلێکراو بەتۆمەتی لایەنگریی رێکخراوی تیرۆریستیی داعش، ٢٢ کەس دەستگیرکران.

لە راگەیەندراوێکدا کە لە لایەن پارێزگاوە بڵاوکراوەتەوە، ئاماژە بەوەکراوە لە ئیستانبوڵ و کۆجائەلی ئۆپەراسیۆن بۆسەر ژمارەیەک لایەنگری رێکخراوی تیرۆریستیی داعش ئەنجامدراوە کە گوتاری ئایینییان گوتووەتەوە و گفتوگۆیان رێکخستووە، پڕوپاگەندەیان بۆ رێکخراوەکە کردووە، هاتوچۆی ناوچەکانی شەڕیان لە سووریا کردووە و ئەو کەسانەیان رەوانەی ئەو ناوچانە کردووە کە خوازیاربوون.

لە ئەنجامی ئۆپەراسیۆنێکی هاوکاتدا بۆسەر ٢٧ ناونیشان لە ئیستانبوڵ و کۆجائەلی، ٢٢ گومانلێکراو دەستگیرکراون و ژمارەیەکی زۆر بەڵگەنامەی رێکخراوەکە و ئامێری ئەلیکترۆنیی دەستی بەسەردا گیراوە.