ئیستانبوڵ.. بەفربارین کاریگەری نەرێنی لەسەر ژیان دروست دەکات

ئیستانبوڵ - AA

ئەو بەفربارینەی لە دوێنێوە لە ئیستانبوڵ دەستی پێ کردووە و بەشێوەی پچڕ پچڕ دەبارێت، کاریگەری نەرێنی لەسەر ژیانی هاووڵاتییان دروست دەکات.

بەفرەکە تارای زیوینی دا بەسەر شارەکە و لە بەشێک لەو ناوچانەی کاریگەریی بەفربارینەکە لە زیابووندایە تیمە پەیوەندیدارەکان بەردەوامن لە هەوڵەکانیان بۆ پاککردنەوە و خوێڕێژکردنی رێگاکان.

رێگای گشتیی عومرانییە بە بەفر سپیپۆش بوو و بەهۆی زیادبوونی کاریگەری بەفرەکەوە، ئاستەنگی لەبەردەم شۆفێران درووست بوو.

تیمە پەیوەندیدارەکان لە رێگەی ئامێری راماڵینی بەفر بەردەوامن لە کارەکانیان و بەشێکی زۆری بەری ئاسیاش لەژێر کاریگەری بەفرباریندایە.

لە بەری ئەورووپاش بەفر بەشێوەی کاریگەر بەردەوامی هەیە. لە گەڕەکی مەجیدیکۆی ناوچەی شیشلی بەهۆی خلیسکی رێگاکانەوە ئاستەنگی لەبەردەم هاووڵاتییان و شۆفێران دروست بوو.

هەروەها لە ناوچەی ئەسەنیورت رێگاکان بەفرپۆش بوون و بەم هۆیەوە ئاستەنگی لەبەردەم شۆفێران دروست بووە.

بەهۆی کاریگەری بەفربارینەوە لەسەر پردەکانیش مەودای بینین کەمبووەتەوە.