ئەرزەڕۆم.. وەرگەڕانی پاسێک ١٨ برینداری لێکەوتەوە

ئەرزەڕۆم – AA

لە ئاکامی وەرگەڕانی پاسێک لە شارۆچکەی عەزیزییە سەر بە پارێزگای ئەرزەڕۆم، ١٨ کەس برینداربوون.

لەسەر رێگای ئەرزەڕۆم-ئەرزنجان کە شەپۆلێکی چڕی بەفر بارین رووی تێکردووە، پاسێک کە هێشتا ناسنامەی شۆفێرەکەی نەزانراوە و تابلۆکەی ئێرانی-یە و بەرەو ئەرزنجان بەڕێکەوتبوو لە ناوچەی ئاشکالە-ئیسپیر سەر بە شارۆچکەی عەزیزییە لە رێگا دەرچوو و وەرگەڕاوە.

لە ئاکامدا، ١٨ کەس بریندار بوون.

یەکەکانی جەندرمە، ئافاد و تەندروستی زوو گەیشتنە شوێنی رووداوەکە و بریندارەکانیان گەیاندە نەخۆشخانەکان.