ئەمریکا: لەبارەی "ھێزی پاراستنی سنوور" گفتوگۆیەکان لەگەڵ تورکیا بەردەوامن

واشنتۆن - AA

گوتەبێژی وەزارەتی بەرگری ئەمریکا، ئەریک پاھۆن رایگەیاند کە کە لەبارەی "ھێزی پاراستنی سنووری سووریا" لە نیگەرانییەکانی تورکیا تێدەگەن و لەسەر ئەو پرسەش لەگەڵ تورکیا گفتوگۆیان کردووە.

پاھۆن بە ئاژانسی ئانادۆڵوی راگەیاند کە "لەبارەی ھێزەکانی پاراستنی سنوور کە ئێستا راھێنانیان پێ دەکرێت، لە نیگەرانییەکانی تورکیا تێدەگەین و پەیوەندی نزیک و رێکخراومان ھەیە لەگەڵ تورکیا وەک وڵاتێکی ھاوپەیمانی ناتۆ".

لەبارەی ئەوەی کە ئایا ھیچ گفتوگەیەک لەبارەی "ھێزی پاراستنی سنوور" کە لە چەکدارانی سوپای سووریا دیموکرات پێکدێت (کە زۆربەیان لە ئەندامانی پەیەدە/پەکەکە پێکدێن) گوتی: "بەرپرسانی حکوومەتی ئەمریکا و تورکیا بەردەوامن لە باسکردنی ئەم بابەتە".

پاھۆن باسی لە وردەکاری گفتوگۆییەکان نەکرد.

گوتەبێژی وەزارەتی بەرگری ئەمریکا، ئەریک پاھۆن ئەوەشی راگەیاند کە بابەتەکە لە رۆژەڤی پنتاگۆندایە.