ئەنقەرە.. دەستگیرکردنی حەوت گومانلێکراو

ئەنقەرە- AA

لە چوارچێوەی لێکۆڵینەوەکانی سەرۆکایەتی داواکاری گشتی ئەنقەرە لە رێکخراوی تیرۆریستیی داعش، حەوت گومانلێکراو دەستگیرکران.

نووسینگەی لێکۆڵینەوە لە تیرۆر سەربە سەرۆکایەتی داواکاری گشتی ئەنقەرە لە راگەیەندراوێکدا ئەوەی خستووەتەڕوو کە لە میانی دوو لێکۆڵینەوەی جیا لە رێکخراوی تیرۆریستیی داعش، بڕیاری دەستگیرکردن بۆ حەوت گومانلێکراو دەرکراوە.

لە راگەیەندراوکەدا باس لەوەش کراوە کە لە ئۆپەراسیۆنێکدا تەواوی گومانلێکراوەکان دەستگیرکراون.