بۆردومانی ئاسمانی بۆ سەر پەکەکە

سەرۆکایەتیی سوپاسالاری تورکیا رایگەیاند کە دوێنێ چەند کەمپێکی پەکەکەیان لە هەرێمی کوردستان لە رێی F-16ەوە بۆردومان کردووە. بەپێی راگەیەنراوەکە کەمپی پەکەکە لە ناوچەکانی ئاوەشین، بازیان، قەندیل، زاپ و خواکوڕک بۆردومان کراون.

هەروەها ئاماژە کراوە دوێنێ شەو سەعات 10:00 تا 10:50 فڕۆکەکانی جەنگیی تورکیا بۆردومانی ئەو کەمپانەیان کردووە.

جێی باسە سەرۆکایەتیی سوپاسالار ئاماژەی کردووە کە ئەو چەند شوێنە کرابوونە ئامانج و بۆردومانەکە پلانی بۆ داڕێژرابوو.