سه‌ركۆماری توركیا له‌ رێوڕه‌سمێكی فه‌رمیدا باره‌گای سكرتاریه‌تی گشتیی كۆنسه‌ی توركی كرده‌وه‌

ئیستانبوڵ – AA

سەرکۆماری تورکیا، رەجەب تەیب ئەردۆغان لەگەڵ سەرکردەی وڵاتانی ئەندام لە کۆنسەی ھەماھەنگی ئەو وڵاتانەی بە زمانی تورکی قسە دەکەن (کۆنسەی تورک) لە رێوڕەسمێکی فەرمیدا بارەگای سکرتاریەتی گشتیی کۆنسەی تورکی کردەوە.

سەرکۆمار ئەردۆغان و سەرۆکی وڵاتانی ئەندام لە میانی ھەشتەمین لوتکەی کۆنسەی تورکدا کە لە دوورگەی دیموکراسی و ئازادییەکان بەڕێوە دەچێت لە رێوڕەسمێکی فەرمیدا بارەگای سکرتاریەتی گشتیی کۆنسەی تورکیان لە ناوچەی سوڵتان ئەحمەد لە ئیستانبوڵ کردەوە.

ئەردۆغان و سەرۆکی وڵاتانی ئەندام لە کۆنسەکە ماوەیەک بە یەکەوە قسەیان کرد و دواتر بۆ کردنەوەی رێوڕەسمەکە چوونە دەرەوە.

لە رێوڕەسمەکەدا دوای بەرزکردنەوەی ئاڵای وڵاتانی ئەندام، قردێلەی رێوڕەسمەکە بڕدرا. ئەردۆغان داوای لە میوانەکانی کرد بۆ یادکردنەوەی رۆژەکە دەمامکەکانیان بشارنەوە.

ھەریەک لە سەرکۆماری ئازەربایجان، ئیلھام عەلیێڤ؛ سەرکۆماری کازاخستان، قاسم جۆمەرت تۆکایێڤ؛ سەرکۆماری قیرغزستان، سادر جاپارۆڤ و سەرکۆماری ئۆزبەکستان، شەوکەت میرزاێڤ بەشداری رێوڕەسمەکە بوون.