سەرما و بەفر لە ڕۆژهەڵاتی ئانادۆڵو ئاستەنگی بۆ هاووڵاتیان دروست کردووە

ئەرزەڕۆم - AA

سەرما و بەفر لە هەریەکە لە پارێزگاکانی ئەرزەڕۆم، قەرس، ئاگری و ئەردەخان، ئاستەنگی بۆ هاووڵاتیان دروست کردووە.

دوای ئەو بەفربارینەی کە سەرانسەری ناوچەکەی گرتەوە، شەپۆلێکی سەرما و سۆڵە باڵی بەسەر پارێزگاکانی ڕۆژهەڵاتی ئانادۆڵودا گرتووە.

ڕێگەوبانەکان کە بە تەواوی بە بەفر داپۆشراون، لە هەندێک شوێن بووەتە هۆی دروستبوونی سەهۆڵبەندان و بەستەڵەک و، هاوکات پلەکانی گەرمی لە هەندێک ناوچەی ئەو پارێزگایانە گەیشتە ١٥ پلەی ژێر سفر.

لە پارێزگای ئاگری، ڕووباری موراد و بەشێک لە ڕووبار و تاڤگەکانی ناوچەکەش بەستوویەتی.

تیمەکانی شارەوانی و ڕێگەوبانیش بۆ تواندنەوەی سەهۆڵبەندان و بەستەڵەکەکان، خوێیان بەسەر شەقامەکاندا دەکرد.