قەرس ساردترین شاری تورکیایە

ئەرزەڕۆم-AA

لە ناوچەکانی رۆژهەڵاتی ئانادۆڵو، پلەکانی گەرما بە شێوەیەکی بەرچاو دابەزینی بەخۆیەوە بینیوە و لە شاری قەرس ١٩ پلە ژێر سفری سەدی تۆمار کرا.

بەڕێوەبەرایەتی کەشناسی ناوچەی ١٢ی تورکیا راگەیەنراوێکی لەسەر کەشوهەوای ناوچەکە بڵاوکردۆتەوە و ئاماژەی بەوەداوە کە ناوچەکە بە هۆی دابەزینی بەرچاوی پلەکانی گەرماوە چاوەڕێ دەکرێت تەمێکی زۆر ناوچەکە دەگرێتەوە و داواش کراوە لە هاووڵاتییان ئاگاداری بەستن بن لە چەندین ناوچە.

هەر بە پێی راگەیەنراوەکە ئاماژە بەوە کراوە کە رەشەبا ناوچەکە دەگرێتەوە و پلەکانی گەرما لەژێر سفرەوە بەم چەشنە دەبێت:

نزمترین پلە لە قەرس ١٩ی ژێر سفری سەدی، ئەرزەڕۆم ١٤ پلە ژێر سفری سەدی، ئاگری ١١ پلە ژێر سفری سەدی، ئیدر ٦ پلە ژێرسفری سەدی، ئەرزنجان ٥ پلە ژێرسفری سەدی دەبێت.

بەرزترین پلەکانی گەرما لە ئیدر ٨ و لە ئەرزنجان ٧ و لە ئەرزەڕۆم سفری سەدی دەبێت.

لە ئاگری ٣ پلە ژێر سفری سەدی و لە قەرس ٢ پلە ژیر سفری سەدی و لە ئەردەخان ١ پلە ژێر سفری سەدی دەبێت.