وان.. ته‌قینەوەی بۆرییه‌كی ئاو دیمه‌نێكی ناوازه‌ی درووستكردووه‌

وان

سەرماوسۆڵەی ناوچەكانی كوردنشین لە توركیا لەوەرزی زستاندا كاریگەری لە ژیانی خەڵكی كردووە. لە پارێزگای وان كە پلەكانی گەرما لە شەودا بۆ 1 پلەی ژێر سفری سەدی دادەبەزێت، دەبێتە هۆی بەستنی تۆڕەكانی ئاو و سەرچاوەكانی ئاوی خواردنەوە و ژیانی خەڵكی سەخت دەكات.

لە شارۆچكەی مورادییەی سەربە پارێزگای وان بۆرییەكی ئاو كە بۆ مەبەستی ئاودێری بەكاردێت بەهۆی سەرماوە تەقیوە. لەئەنجامی تەقیەنەوەی بۆرییەكە ئاو چەندین مەتر بەرزبۆتەوە و بەستوویەتی، ئەمەیش دیمەنێكی سەرنجڕاكێشی درووستكردووە.

جەنگیز ئالان كە پاسەوانی دەكات لە بەنداوی شارۆچكەكە رایگەیاند، كە ئەو بۆرییە ئاوەكەی بۆ مەبەستی ئاودێری بەكاردێت و شەوی رابردوو بەهۆی سەرماوە تەقیوەتەوە.

ئالان رایگەیاندووە كە بەیانی ئەمڕۆ دیمەنەكەی بینیوە و سەرسام بووە.

فەردی باشلاك پاسەوانێكی دیكەیە و دەڵێت كە یەكەمجارە لە ژیانیدا دیمەنێكی هێندە جوان و سەرنجڕاكێش دەبینێت.

هاوكات زوقم سەر گەڵای درەختەكانی دەورووبەری بەنداوەكەش جوانییەكی تایبەتی هەیە و نیشانەی سەختی وەرزی زستانە لەناوچەكەدا.