پەیوەندی تەلەفۆنی ئەردۆغان و عیمران خان

ئەنقەرە - AA

سەرکۆماری تورکیا، رەجەب تەیب ئەردۆغان پەیوەندییەکی تەلەفۆنی لەگەڵ سەرۆکوەزیرانی پاکستان، عیمران خان ئەنجامدا.

بەپێی ئەو راگەیەندراوەی لە فەرمانگەی پەیوەندییەکانی سەرۆکایەتی کۆماری تورکیا بڵاوکراوەتەوە، ئەردۆغان لەمیانی پەیوەندییە تەلەفۆنییەکەدا بە توندترین شێوە ئیدانەی ئەو ھێرشە تیرۆریستییەی کرد کە لە ویلایەتی خەیبەر پەختونخوا-ی پاکستان ئەنجامدرا.

ئەردۆغان داوای لێخۆشبوونی لە خودا بۆ ئەو کەسانە کرد کە لە ھێرشەکەدا گیانیان لەدەستداوە و ھیوای زوو چاکبوونەوەشی بۆ بریندارەکان خواست.

لە پەیوەندییە تەلەفۆنییەکەدا باسی پەیوەندییە دووقۆڵییەکان و پرسەکانی ناوچەکە کرا.