کاریگەربوونی سەرماوسۆڵە لە چوار پارێزگای خۆرهەڵاتی ئانادۆڵو

ئەرزەڕۆم - AA

سەرماوسۆڵە لە پارێزگاکانی ئەرزەڕۆم، قەرس، ئەردەخان و ئاگری کاریگەریی نەرێنی کردە سەر ژیانی هاووڵاتییان.

پلەکانی گەرما لە شەودا لە ئەرزەڕۆم حەوت پلەی ژێر سفری سەدی بوون و بەهۆی سەرماسۆڵەوە، دەستشۆرگەی ژمارەیەک لە مزگەوتەکان بەستی و توێژی بەستوو لەسەر جامی ئۆتۆمبێلەکان و ژمارەیەک لە شەقام و شۆستەکان دروست بوو.

هەندێ لە هاووڵاتییانی شارەکە بۆ پاراستنی ئۆتۆمبێلەکانیان لەو سەرما سەختە بە خیوەت، بەتانی و کارتۆن دایانپۆشین.

ئەستووریی بەفر لە ناوەندی خلیسکەی سەربەفری پاڵاندۆکەن بە ٣٥ سانتیمەتر و لە ناوەندی خلیسکەی سەربەفری کۆناکڵی بە ١٢ سانتیمەتر پێوانە کرا.

پلەکانی گەرما لە شەودا لە ئەردەخان ١٧ پلە؛ لە قەرس ١٢ پلە؛ لە ئاگری نۆ پلە؛ لە ئیدر شەش پلە و لە ئەرزینجان سێ پلەی ژێر سفری سەدی بوون.

- قەرس

لە پارێزگای قەرس رووەک و درەختەکان بەهۆی کاریگەریی سەرماوە بە زوقم داپۆشران و هاووڵاتییان ئۆتۆمبێلەکانیان بە خیوەت، بەتانی و کارتۆن داپۆشی.

بەشێکی زۆری چەم و گۆڵاوەکان لە شارەکە بە سەهۆڵ داپۆشران و دیمەنی باڵندە کێوییەکان لە میانی گەڕان بەدوای خۆراکدا لە کەنار چەمەکەکاندا تۆمار کرا.

لە قەزای ئاکیاکا، رووەک و درەختەکان بەهۆی کاریگەریی سەرماوە بە زوقم داپۆاشران و توێژی بەستوو لەسەر جامی ئۆتۆمبێلەکان دروست بوو.

بەهۆی سەرماوسۆڵەوە سیخەسۆڵە لە سوێبانی خانووەکان و توێژی بەستوو لەسەر جامی ئۆتۆمبێلەکان دروست بوو، هاووڵاتییان ئۆتۆمبێلەکانیان بە خیوەت و بەتانی داپۆشی.

توێژی سەرەوەی چەمی ئاجیسو کە پێنج کیلۆمەتر لە شاری ساریکامیش-ەوە دوورە بەتەواوەتی بەستوویەتی.

- ئەردەخان

لە ئەردەخان-یش سەرماوسۆڵە کاریگەریی نەرێنیی کردە سەر ژیانی هاووڵاتییان.

بەهۆی کاریگەری سەرماوسۆڵەوە زوقم لە شارەکە دروست بوو.

چینی سەرەوەی رووباری کورا بەتەواوەتی بەستوویەتی.

- ئاگری

لە پارێزگای ئاگری سەرماوسۆڵە کاریگەر دەبێت.

بەهۆی ساردی کەشوهەواوە، چەمەکانی قەزای هامور بە سەهۆڵ داپۆشران.