کاریگەری نەرێنی بەرزبوونەوەی پلەی گەرما لە ژاپۆن

ئەنقەرە - AA

نزیکەی ١٢ ھەزار و ٧٥١ کەس لە وڵاتی ژاپۆن بەھۆی تووشبوون بە نەخۆشییەکانی پەیوەندیدار بە بەرزبوونەوەی پلەی گەرما سەردانی نەخۆشخانەکانیان کردووە.

بەپێی ھەواڵێکی ئاژانسی ھەواڵی کیۆدۆی ژاپۆنی، لە رۆژانی نێوان ٥ی ئاب تا ١١ی ئاب ١٢ ھەزار و ٧٥١ کەس بەھۆی تووشبوون بە نەخۆشییەکانی پەیوەندیدار بە بەرزبوونەوەی پلەی گەرما سەردانی نەخۆشخانەکانیان کردووە.

راشگەیەندرا کە سەدا ٥٤.٩ی ئەو کەسانەی سەردانی نەخۆشخانەکانیان کردووە تەمەنیان ٦٥ ساڵ بەرەو سەرەوە بووە.

ھاوکات ٢٣ کەس بەھۆی بەرزبوونەوەی پلەی گەرما گیانیان لەدەستداوە.

ھەر لە ھەواڵەکەدا ئاماژە بەوەشکراوە کە ٤٠٠ کەس لەوانەی سەردانی نەخۆشخانەکانیان کردووە، تووشی نەخۆشی قورس بوونەتەوە و بەلانی کەم پێویستیان بە سێ ھەفتە مانەوە لە نەخۆشخانە و چارەسەر وەرگرتن ھەبووە.

لە نێو ئەو بەروارانەی کە ئاماژەی پێکراوە لە زۆربەی ناوچەکانی ژاپۆن پلەی گەرما ٣٥ پلەی سیلیزی تێپەڕاندووە.