یڵدرم: "١٥ تەمووز دوژمنەکەی ناوخۆمان کوژرا"

ئەنقەرە - AA

سەرۆکوەزیرانی تورکیا بینالی یڵدرم بەشداری کرد لە رێوڕەسمی کردنەوەی کۆمەڵە پرۆژەیەک لە شاری ئەنقەرە.

لە رێوڕەسمەکەدا یڵدرم گوتەیەکی پێشکەش کرد و تێدا سوپاسی خەڵکی ئەنقەرەی کرد کە لە شەوی هەوڵە کودەتا سەربازییەکەی فەتۆدا، دەستە دەستە رژاونەتە سەر شەقامەکان و پارێزگاریان لە وڵات کردووە.

لەبەشێکی تری گوتەکانیدا لەبارەی ریفراندۆمی دەستووریەوە، یڵدرم گوتی: "ئینشەڵا لە ١٦ ی نیساندا دەچینە سەر سندوقەکانی دەنگدان، بڕیار دەدەین لەسەر سەقامگیری و داهاتووی تورکیا".

لەبەشێکی تری گوتەکانیدا یڵدرم پرسیاری لە ئامادەبووانی نێو مەیدانەکە کرد و گوتی: "ئێوە ئامادەن جارێکی تر مێژوو بۆخۆتان بنووسنەوە، بۆ رزگاری و داهاتووتان بڵێن 'بەڵێ' "؟ دوای ئەوەی خەڵكەکە بە بڵێ وەڵامیان دایەوە، یڵدرم گوتی: "ئەنقەرە بەو تابلۆ جوانەیەوە نیشانی دەدات کە ئەو ئەرکەی لەسەرێتی بەجێی دەگەیەنێت".