ئه‌ورووپا.. ژماره‌ی په‌نابه‌ره ئه‌فغانییه‌كان له‌ مانگی ته‌مووزدا له‌ سه‌دا ٢١ زیادی كردووه‌

ئه‌نقه‌ره‌ - AA

نووسینگه‌ی پشتیوانی په‌نابه‌رانی ئه‌ورووپا، بڵاوی كرده‌وه‌ له‌م پێنج مانگه‌ی دواییدا ژماره‌ی ئه‌و ئه‌فغانییانه‌ی داوا ده‌كه‌ن په‌نا بهێنن بۆ وڵاتانی ئه‌ورووپا زیادی كردووه‌.

به‌پێی ئه‌و داتایانه‌ی نووسینگه‌كه‌ دوێنێ بڵاوی كردوونه‌ته‌وه‌ ژماره‌ی ئه‌و ئه‌فغانییانه‌ی له‌ مانگی ته‌مووزدا په‌نایان بردووه‌ته‌ به‌ر وڵاتانی ئه‌ورووپا به‌ به‌راورد به‌ مانگی حوزه‌یران، له‌ سه‌دا ٢١ زیادی كردووه.

له‌ مانگی ته‌مووزدا حه‌وت هه‌زار و ٣٠٠ ئه‌فغانی داوای مافی په‌نابه‌رێتییان كردووه‌.

به‌ درێژاییی مانگی حوزه‌یرانیش نزیكه‌ی شه‌ش هه‌زار ئه‌فغانی داوای مافی په‌نابه‌رێتییان له‌ وڵاتانی ئه‌ورووپا كردووه‌.‌