ئۆپەراسیۆنی ئاسمانی سوپای لیبیا بۆسەر میلیشیاکانی حەفتەر

ئەنقەرە-AA

ناوەندێکی راگەیاندن سەربە فەرماندەیی ئۆپەراسیۆنی "گڕکانی توڕەیی" حکوومەتی تەبایی نیشتیمانیی لیبیا لە راگەیەندراوێکدا ئەوەی ئاشکرا کردووە کە هێزە ئاسمانییەکانی سوپا لە ئۆپەراسیۆنێکیاندا بۆسەر بنکەی ئاسمانی واتییە، عەمباری چەک و تەقەمەنی هێزەکانی سەربە خەلیفە حەفتەرییان کردووەتە ئامانج.

ئەوەش راگەیەندراوە کە لە ئۆپەراسیۆنە ئاسمانییەکەدا، چەندین ئۆتۆمبێلی سەربازی تێکشکێندراون، دوو چەکداری سەربە هێزەکانی حەفتەریش کوژراون و پێنجی دیکەشییان بریندار بوون.

هەروەها لە راگەیەندراوەکەدا ئەوە خراوەتەڕوو کە سوپای لیبیا لەڕێی تۆپهاوێژەوە، بەچڕی بۆردومانی چەکدارەکانی حەفتەری لە بنکەی خەلەتاتی باشووری تەڕابلوسی پایتەخت کردووە.