ئیسرائیل ئیدانەی هێرشە تیرۆریستییەکەی عەنتابی کرد

حکوومەتی ئیسرائیل پرسە و سەرەخۆشی ئاراستەی تورکیا و کەسوکاری قوربانیانی هێرشە تیرۆریستییەکەی عەنتاب کرد.

لە بەیاننامەیەکی نووسینگەی سەرۆکوەزیرانی ئیسرائیلدا، هاتووە "پرسە و سەرەخۆشی خۆمان، ئاراستەی تورکیا و کەسوکاری قوربانیانی هێرشە تیرۆریستییەکەی عەنتاب دەکەین، هیوای زوو چاکبوونەوەش بۆ برینداران دەخوازین".

بەیاننامەکە ئاماژەی بەوەیش داوە، بۆ بنبڕکردنی تیرۆر پێویستە کۆمەڵگای نێودەوڵەتی پێکەوە پێداگربێت لە رووبەڕووبوونەوەی تیرۆردا.