ئەمریكا: "ئومێدەوارین لەگەڵ توركیا بگەینە رێككەوتنێك"

واشنتۆن - AA

سەرۆك ئەركانی سوپای ئەمریكا، جۆزێف دەنفۆرد لەبارەی مشتومڕەكانی توركیا و ئەمریكا لەسەر سیستمی بەرگریی مووشەكیی S-400 و فڕۆكەی جۆری F-35 گوتی: "هەوڵ بۆ پێشڕەوی دەدەین و ئومێدەوارم لەگەڵ توركیا بگەینە رێككەوتنێك. لەبەرئەوە ئەسڵی كارەكە ئەوەیە كە هێشتا دەستبەرداری نەبووین".

دەنفۆرد لە پنتاگۆن لەگەڵ وەزیری بەرگریی كۆریای باشوور، جیۆنگ كیۆنگ-دوو كۆبووەوە.

دەنفۆرد لێرەدا وەڵامی پرسیاری رۆژنامەوانانی دایەوە و لە وەڵامی پرسیارێكدا لەبارەی كڕینی سیستمی بەرگریی مووشەكیی S-400 لە لایەن توركیاوە گوتی: "لەوبارەوە هێشتا دەستبەرداری دۆزینەوەی رێگاچارەیەك نەبووین".

ناوبراو وەبیریهێنایەوە كە پێشنیازی پاتریۆت-یان خستووەتە بەردەم توركیا و گوتی:

"وەك دەزانن بابەتی سیستمی بەرگریی مووشەكیی S-400 و فڕۆكەی جۆری F-35 بابەتێكی تابڵێی ئاڵۆزە. بەڕوونی ئاماژەمان بەوە داوە كە ئەمانە سیستمی گونجاو نین پێكەوە، بەڵام هێشتا هەوڵ بۆ پێشڕەوی دەدەین و ئومێدەوارم لەگەڵ توركیا بگەینە رێككەوتنێك. لەبەرئەوە ئەسڵی كارەكە ئەوەیە كە هێشتا دەستبەرداری نەبووین".