ئەڵمانیا.. بە چەقۆ ھێرش ئەنجام درا

ڤوپەرتاڵ - AA

لە شاری ڤوپەرتاڵ لە ئەڵمانیا بە چەقۆ ھێرشێک ئەنجام درا و بەھۆیەوە کەسێک کوژرا و یەکێکی دیکەش بریندار بوو.

میدیاکانی ئەڵمانیا بڵاویان کردووەتەوە کە ھێرشەکە لە بەردەم ئارایشگایەکی تورکی لە شارەکە روویدا و ھێرشبەرەکەش ھەڵاتووە.

تاوەکو ئێستا پۆلیسی ئەو وڵاتە ھیچ روونکردنەوەیەکی لەبارەی رووداوەکە نەکردووە و لێکۆڵینەوەیەکیش دەستی پێکرد.