شەرم شێخ - AA
سەرکۆماری تورکیا، ڕەجەب تەیب ئەردۆغان کە بۆ بەشداری کردن لە لووتکەی ئاشتی شەرم شێخ سەردانی میسری کردووە، لەگەڵ بەشێک لە سەرکردەکانی بەشدار لە لووتکەکە کۆبووەوە.
دوای ئەوەی فڕۆکەی سەرکۆماری ئەردۆغان گەیشتە میسر، لە شاندی یاوەری بەرەو شوێنی بەڕێوەجوونی لووتکەکە بەڕێ کەوتن.
سەرکۆماری تورکیا لە کاتی گەیشتن بۆ لووتکەکە، لە لایەن سەرکۆمار میسر عەبدولفەتاح سیسی'یەوە پێشوازی لێکرا.
دواتر سەرکۆماری تورکیا بەرەو ئەو هۆڵە ڕۆیشت کە لووتکەکەی تێدا بەڕێوەدەچێت.
سەرکۆمار ئەردۆغان لەگەڵ بەشێک لە سەرکردەکانی بەشدار لە لووتکەکە کۆبوویەوە.
لە کۆبوونەوەکەدا، پەیوەندییەکانی نێوان تورکیا لەگەڵ ئەو وڵاتانە و هەروەها پرسە هەرێمی و جیهانییەکان گفتوگۆی لەبارەیەوە کرا.
لە چوارچێوەیەدا، سەرکۆمار ئەردۆغان لەگەڵ سەرۆکوەزیرانی بەریتانیا کییەر ستارمەر، سەرکۆماری فەڕەنسا، ئیمانوێل ماکرۆن، سەرۆکوەزیرانی ئیتاڵیا جۆرجیا مێلۆنی، میری قەتەر شێخ تەمیم بن حەمەد ئال سانی، شای ئوردن شاعەبدوڵڵای دووهەم و سەرۆکوەزیرانی ئەڵمانیا فریدریش مێرز کۆبوویەوە.
سەرکۆماری تورکیا لەگەڵ سەرکۆماری فەڕەنسا، ئیمانوێل ماکرۆن کۆبوویەوە و لە کاتی هاتنی سەرۆکوەزیرانی بەریتانیا کییەر ستارمەر، بە دەست ئاماژەی بۆ ستارمەر کرد و بە ماکرۆنی گوت: "Good man".
سەرکۆمار ئەردۆغان هەروەها لەکاتی بینینی سەرۆکوەزیرانی ئیتاڵیا جۆرجیا مێلۆنی، گوتی، زۆر باش دیاری بەڵام پێویستە جگەرەی بەلاوە بنێی.
contact_the_ombudsman
is_there_an_error_in_this_story
