Esat Fırat
10 ئەیلوول 2019•نوێکردنەوە: 11 ئەیلوول 2019
قودس - AA
سەربازە ئیسرائیلیەکان ١٧ فەڵەستینیان لە کەناری رۆژئاوای داگیرکراو، دەستگیر کرد.
لە راگەیەندراوێکی سوپای ئیسرائیلدا هاتووە کە لە چەند ناوچەیەکی جیاجیای کەناری رۆژئاوادا، ١٧ فەڵەستینی بەپاساوی تێوەگلان لە کردەی تیرۆریستی لە هەڵکوتانی شەوانەدا دەستگیرکراون.
لە راگەیەندراوەکەدا باس لەوە کراوە کە ئەو فەڵەستینیانەی دەستگیرکراون رەوانەی ناوەندی دەستبەسەرکردن کراون.
هێزەکانی ئیسرائیل ناوبەناو شەوانە بەتۆمەتی جیاجیا هەڵدەکوتنە سەر ماڵان لە قودسی رۆژهەڵات و کەناری رۆژئاوا و هاووڵاتییانی مەدەنی فەڵەستینی دەستگیر دەکەن.
