Zana Natık Kerem
31 ئاب 2019•نوێکردنەوە: 01 ئەیلوول 2019
بەغدا ــ AA
راگەیەندراوە كە هێزە عێراقییەكان، ژمارەیەك تیرۆریستی داعشیان دەستگیركردووە كە لە ساڵی ٢٠١٧دا، ئەفسەرێكی سوپای عێراقییان بە پلەی ملازمی یەكەم بە ناوی ئەبو بەكر سامەڕائی-يان رفاندووە و دواتر كوشتوویانە.
دەستەی حەشدی شەعبی راگەیەندراوێكی بڵاوكردەوە و تیادا ئاماژەی بەوەكردووە، تەرمی ئەفسەرێكی سوپای عێراق بە پلەی ملازمی یەكەم بە ناوی ئەبو بەكر سامەڕائی لە قەزای قائیم رۆژئاوای پارێزگای ئەنبار دۆزراوەتەوە كە لە ساڵی ٢٠١٧دا لە لایەن ژمارەیەك تیرۆریستی داعشەوە رفێندرابوو و دواتر كوژراوە.
بەپێی راگەیەندراوەكە، تەرمی ئەفسەرەكە پشت بەستن بە زانیارییەكانی هەواڵگریی لە لایەن هێزە عێراقییەکانەوە لە قەزای قائیم رۆژئاوای ئەنبار دۆزراوەتەوە.
لە راگەیەندراوەكەدا باس لەوەشكراوە، هێزە ئەمنییەكان ئەو تیرۆریستانەیان دەستگیركردووە كە ئەبو بەكر سامەڕائییان لە قەزای قائیم كوشتووە.
