عەزاز.. لە ئاکامی ھێرشێکی تیرۆریستی ١٤ سڤیل گیانیان لەدەستدا

عەزاز - AA

لە ئاکامی ھێرشێکی تیرۆریستی لە شارۆچکەی عەزاز لەسەر سنووری نێوان سووریا-تورکیا، ١٤ کەسی سڤیل گیانیان لەدەستدا.
بەپێی ئەو زانیاریانەی لە سەرچاوەکانی خۆجێی وەرگیراون، بە ئۆتۆمبێلێکی بۆمبرێژکراو ھێرشێکی تیرۆریستی لە ناوەندی شارۆچکەی عەزاز کە لە ژێر کۆنترۆڵی ھێزەکانی ئۆپۆزسیۆنی سەربازیی سووریا دایە، ئەنجامدرا.

بەمەش لە ئاکامی تەقینەوەی بۆمبەکە، ١٤ کەسی سڤیل گیانیان لەدەستدا.

دواتریش دەستبەجێ ھێزەکانی ئەمنی ناوچەکە گەیشتنە شوێنی رووداوەکە بریندارەکانیان گواستەوە نەخۆشخانەکانی ناوچەکە.

ژمارەیەک لەو کەسانەی کە برینەکانیان سەختە رەوانەی تورکیا کران.

ھەرچەندە تا ئێستا ھیچ لایەنێک بەرپرسیارێتی ھێرشەکەی لە ئەستۆ نەگرتووە، بەڵام ھێزەکانی ئەمنی گومان دەکەن ھێرشەکە لەلایەن رێکخراوی تیرۆریستی یەپەگە/پەکەکە ئەنجام درابێت.