میسر تا کاتێکی نادیار دەروازەی رەفحی داخست

غەززە ــ AA

نووسینگەی راگەیاندنی سەربە دەروازەی رەفح لە کەرتی غەززە رایگەیاند، کاربەدەستانی میسر پێیان راگەیاندوون کە لە ئەمڕۆ سێشەممەوە تا کاتێکی نادیار دەروازەی رەفح دادەخەن.

لە بەیاننامەیەکی نووسینگەکەدا ھاتووە کە دەروازەی رەفح بەڕووی هاتۆچۆدا بە ھەردوو ئاراستە (ھاتن و چوون) دادەخرێت.

لە بەیاننامەیەکدا ئاماژە بە وادەی دووبارەکردنەوەی دەروازەی رەفح نەدراوە.

ئەمەش لە کاتێکدایە کە لە ئەمڕۆ سێشەممەوە، ئیسرائیل بڕیاری داخستنی دەرازەی کەرەم ئەبو سالم کە تاکە دەروازەی بازرگانییە بۆ غەززە داوە.