هیندستان.. گیانلەدەستدانی ٨١٦ کەسی دیکە بەهۆی کۆرۆنا

ئەنقەرە- AA

وەزارەتی تەندروستیی هیندستان لە بارەی دوایین ئامارەکانی ڤایرۆسی کۆرۆنای نوێ (COVID-19) راگەیەندراوێکی بڵاو کردەوە.

لە راگەیاندراوەکەدا ئەوە خراوەتەڕوو کە لە میانی ٢٤ کاتژمێری رابردوودا، ٨١٦ کەس بەهۆی ڤایرۆسەکەوە گیانیان لەدەستداوە و ٦٦ هەزار و ٧٣٢ حاڵەتی نوێی تووشبوونیش تۆمار کراون.

بەم شێوەیە ژمارەی ئەو کەسانەی تا ئێستا، بەهۆی کۆرۆنا گیانیان لەدەستداوە گەیشتووەتە ١٠٩ هەزار و ١٥٠ کەس و ژمارەی حاڵەتە تۆمارکراوەکانی تووشبوونیش گەیشتووەتە، حەوت ملیۆن و ١٢٠ هەزار و ٥٣٨ حاڵەت.

هەروەها شەش ملیۆن و ١٤٩ هەزار و ٥٣٥ تووشبووی کۆرۆنا چاکبوونەتەوە.

بەگوێرەی ئامارەکانی ماڵپەڕی "Worldometer"، هیندستان لە رووی زۆری ژمارەی تووشبووانی ڤایرۆسی کۆرۆنای نوێ لە ریزبەندی دووەمی جیهاندایە.