هێرشی داعش بۆ سەر باكووری رومادی

بەگوتەی ئەفسەری سەربازی لە فەرماندەی ئۆپەڕاسیۆنەكانی ئەنبار عەقید وەلید دلێم، بەیانی ئەمڕۆ پێنجشەممە، چەكدارانی تیرۆریستی داعش هێرشیان كردە سەر ناوچەی ئەلبو عیسا لە باكووری شاری رومادی و بەهۆیەوە پێنج سەرباز و چەكداری هۆزەكانی سوننە كوژران و شەشی دیكەش بریندار بوون.

لە لێدوانێكدا بۆ ئاژانسی ئانادۆڵو دلێمی گوتی: "چەكدارانی رێكخراوی داعش بە رێگەی پێنج ئۆتۆمبێلی بۆمبڕێژكراو و خۆكوژەوە، هێرشیان كردە سەر ناوچەی ئەلبو عیسا لە باكووری رومادی".

ئەو زیاتر دوا و گوتی: "هێزەكانی ئەمنی و هۆزە چەكدارەكانی سوننە رووبەڕووی هێرشبەرانی تیرۆریستانی داعش بوونەوە لەو ناوچەیە بەڵام لەو شەڕە پێنج سەرباز و چەكداری سوننە كوژران و شەشی دیكەش بریندار بوون".

دلێمی باسی لەوەشكرد، كە فڕۆكەكانی هاوپەیمانی نێودەوڵەتی توانیویانە، دوو ئۆتۆمبێلی بۆمبڕێژكراو كە خۆكوژی داعش لێیاندەخوڕی بە بۆردومان لەنێو بەرن و ئۆتۆمبێلە بۆمبڕێژكراوەكەی دیكە هێزەكانی عێراق تەقاندیانەوە بەر لەوەی بگەنە لای هێزەكانی ئەمنی و هۆزە چەكدارەكان لە ناوچەی ئەلبو عیسا خۆیان بتەقێننەوە.