وەزیرانی بەرگریی تورکیا و قەتەر لە دۆحە کۆبوونەوە

ئەنقەرە ــ AA

وەزیری بەرگریی تورکیا، یاشار گولەر لە میانی سەردانەکەی بۆ دۆحە لەگەڵ وەزیری بەرگریی قەتەر، خالید بن عەتییە کۆبووەوە.

وەزارەتی بەرگریی تورکیا لە ڕاگەیاندراوێکدا ئاماژەی بەوەداوە کە یاشار گولەر لە دووەم ڕۆژی سەردانەکەی بۆ دۆحە لە ڕێوڕەسمێکی سەربازییدا لەلایەن خالید بن عەتییە، پێشوازی لێکراوە.

ڕاشیگەیاندووە کە دوای ڕێوڕسمی پێشوازیکردنەکە، یاشار گولەر و خالید بن عەتییە کۆبووەنەتەوە.

دوێنێ چوارشەممە وەزیری بەرگریی تورکیا، یاشار گولەر بەسەردانێکی فەرمی گەیشتە دۆحە پایتەختی قەتەر.