پەیوەندی تەلەفۆنی بایدن و بارزانی

واشنتۆن - AA
لە پەیوەندییە تەلەفۆنییەکەی نێوان جێگری سەرۆکی ئەمریکا جۆ بایدن و سەرۆکی ھەرێمی کوردستان مەسعود بارزانی پرسی بەرەنگاربوونەوەی داعش تاوتوێ کرا.
بەپێی راگەیەندراوێکی کۆشکی سپی، بایدن ئەمڕۆ پەیوەندییەکی تەلەفۆنی لەگەڵ بارزانی ئەنجام داوە.
لە پەیوەندییەکەدا بایدن بەھۆی درێژەدان بە کاری ھاوبەش و ھەماھەنگی لەگەڵ سەرۆکوەزیرانی عێراق حەیدەر عەبادی و حکوومەتی عێراق لەمەڕ شکستھێنان بە رێکخراوی تیرۆریستی داعش و گەڕاندنەوەی سەقامگیری بۆ عێراق، ستایشی هەوڵەکانی سەرۆکی ھەرێمی کوردستانی کردووە.
بایدن و بارزانی جەختیان لەسەر ئەوە کردەوە کە پێویستە بەپەلە ناوچەکانی دیکە لەدەست داعش ئازاد بکرێت و ھەردوو سەرکردە ئاماژەشیان بە گرنگی رێزگرتن لە سەروەری و یەکپارچەیی عێراق کردووە لە گشت ئۆپەراسیۆنەکانی وڵاتدا.
بایدن و بارزانی لە پەیوەندییەکەدا بۆ جارێکی دیکە کۆکبوونی خۆیان لەسەر درێژەدان بە پەیوەندی ستراتێژی نێوان ئەمریکا و عێراق دووپات کردووەتەوە.