چین.. تەقینەوەیەک گیانلەدەستدانی سێ کەسی لێکەوتەوە

پەکین - AA

بەهۆی تەقینەوەی غاز لە ناوچەی لیائۆنینگ باکووری رۆژهەڵاتی چین، سێ کەس گیانیان لەدەست دا.

بەگوێرەی میدیاکانی چین، تەقینەوەکە لە چێشتخانەیەکی شاری شینیانگ پایتەختی ناوچەکە روویداوە و بووەتە هۆی برینداربوونی زیاتر لە ٣٠ کەس.

لە رووداوەکەدا، سێ کەس گیانیان لەدەستداوە.

هەروەها زیانێکی زۆریش بەر بینای چێشتخانەکە، بیناکانی دەورووبەر و ئەو ئۆتۆمبێلانە کەوتووە کە لە نزیک شوێنی رووداوەکە پارک کرابوون.

بۆ رزگارکردنی قوربانییانی ناو بیناکە زیاتر لە ١٠٠ کارمەندی ئاگرکوژێنەوە نێردرانە شوێنی رووداوەکە و لێکۆڵینەوە لە هۆکاری تەقینەوەکە دەستی پێ کردووە.