کۆمکاری عەرەبی پیرۆزبایی لە ترەمپ دەکات

قاهیرە - AA

سکرتێری گشتی کۆمکاری عەرەبی، پەیامێکی پیرۆزبایی ئاراستەی دۆناڵد ترەمپ کرد بەبۆنەی سەرکەوتنی لە هەڵبژاردنەکانی سەرۆکایەتی ئەمریکادا.

لە پەیامەکەدا سکرتێری گشتی کۆمکاری عەرەبی، ئەحمەد ئەبو غێت پیرۆزبایی لە دۆناڵد ترەمپ کردووە و ئاماژەی بەوە کرد کەوا زۆربەی وڵاتانی عەرەبی دۆستی مێژوویی ئەمریکان.

لە پەیامەکەدا ئەبو غێت تیشکی خستووەتە سەر کێشەکانی نێوان فەڵەستین و ئیسرائیل کە درێژەیان هەیە و رایگەیاندووە کە هیوادارە سەردەمی ترەمپ سەردەمێکی تازە بێت بۆ وڵاتانی ناوچەی رۆژهەڵاتی ناوەڕاست و، ئەمریکا پەیوەندییەکانی لەگەڵ وڵاتانی ئەو ناوچەیە باشتر بکات".