ھێرشێکی ئاسمانیی سوپای ئیسرائیل بۆ سەر سووریا برینداربوونی دوو کەسی لێکەوتەوە

ئیستانبوڵ ــ AA

لە ئاکامی ھێرشێکی ئاسمانیی سوپای ئیسرائیلدا بۆ سەر خاڵێک لە باکووری ڕۆژئاوای دیمەشق پایتەختی سووریا، دوو کەس برینداربوون.

ئاژانسی ھەواڵیی "سانا" سەربە رژێمی سووریا لە سەرچاوەیەکی سەربازی بڵاویکردووەتەوە کە بەرەبەیانی ئەمڕۆ پێنجشەممە، سوپای ئیسرائیل لە ئاراستەی دەریای ناوەڕاستەوە، ھێرشی ئاسمانیی کردووەتە سەر خاڵێک لە دەروازەی لازقییە باکووری ڕۆژئاوای دیمەشق.

ڕاشیگەیاندووە کە لە ئاکامی ھێرشەکەدا، دوو کەس برینداربوون و زیانی ماددییش بەر سامانی تایبەت لە ناوچەکە کەوتووە.