بورسا
رەجەب تەیب ئەردۆغان سەرۆکوەزیرانی تورکیا، دوێنێ شەممە لە شاری بورسا لەئاھەنگێکدا بەشدارییکردو قسەی بۆ بەشدارانی ئاھەنگەکە کرد، لەکاتی قسەکردنیدا چوارپەنجەی دەستی بەرزکردەوە.
ئەو کارەی ئەردۆغان لەنێو میدیا عەرەبییەکانی دەنگدانەوەی ھەبوو، رۆژنامەکانی (سەبیل، ئەلغەد)ی ئوردنی (ئەلوەتەن)ی سعودی (ئەلشروق، ئەلیەوم و ئەلئەھرام)ی میسری (سەفیر)ی لوبنان و (ئەلئەخباریە)ی تونس، وێنەی ئەردۆغانیان لەلاپەڕەی یەکەمدا چاپکرد کە چوار پەنجەی بەرز کردبوەوە.
ئەو رۆژنامانە ھەروەھا وێنەی یاریزانە تورکیاییەکانیان لەچاپدابوو کە بە پەنجەیان گوزارشتیان لەسیمبوڵی چوار پەنجە کردبوو.
