جەلال تاڵەبانی لە سلێمانی بەخاک دەسپێردرێت

سلێمانی ـ AA

گوتەبێژی یەکێتیی نیشتمانی کوردستان، سەعدی ئەحمەد پیرە لە کۆنگرەیەکی رۆژنامەوانیدا لە شاری ھەولێر رایگەیاند: "رۆژی ھەینی لە کاتژمێر ١٢ ی نیوەڕۆ تەرمی سەرکۆماری پێشووی عێراق و سکرتێری گشتی یەکێتیی نیشتمانی کوردستان، جەلال تاڵەبانی لە ئەڵمانیاوە راستەوخۆ دەگاتەوە شاری سلێمانی و لە گردی دەباشان لە نزیک ماڵەکەی خۆی لەو شارە بەخاک دەسپێردرێت".

سەعدی ئەحمەد پیرە گوتیشی: "رۆژی شەممە یەکەم رۆژی پرسەکەی دەبێت و دوو رۆژ پرسەی دەبێت".

دوێنێ سەرکۆماری پێشووی عێراق و سکرتێری گشتی یەکێتیی نیشتمانیی کوردستان، جەلال تاڵەبانی لە تەمەنی ٨٤ ساڵیدا لە یەکێک لە نەخۆشخانەکانی ئەڵمانیا کۆچی دوایی کرد.