قه‌یرانی نێوان قه‌ته‌ر و وڵاتانی كه‌نداو

كوێت - AA

میری كوێت شێخ سه‌باح ئه‌حمه‌د الجابر ئەلسه‌باح، هیوای خواست قه‌یرانی نێوان قه‌ته‌ر و هه‌ندێك له‌ وڵاتانی كه‌نداو له‌مانگی ره‌مه‌زاندا چاره‌سه‌ر بكرێت.

له‌دیمانه‌یه‌كیدا كه‌ له‌لایه‌ن ته‌له‌ڤزیۆنی كوێته‌وه‌ بڵاوكراوه‌ته‌وه‌ شێخ سه‌با ده‌ڵێت، "ئومێد ده‌كه‌م قه‌یران و گرژییه‌كانی كه‌نداو له‌م مانگه‌ پڕ شكۆ و شه‌وه‌ پیرۆزانه‌دا، له‌ڕێگه‌ی دیالۆگه‌وه‌ چاره‌سه‌ربكرێن".

سه‌باح ئاماژه‌ی به‌ په‌یوه‌ندیی مێژوویی نێوان وڵاتانی كه‌نداو و هاوبه‌شی و به‌رژه‌وه‌ندییه‌كان كرد و رایگه‌یاند، هه‌وڵی پێویست ده‌ده‌ن له‌باره‌ی به‌ئه‌نجامگه‌یاندنی ئومێد و چاوه‌ڕوانییه‌كانی خه‌ڵكی له‌وباره‌وه‌.