مەسرور بارزانی پێشوازیی لە یاریدەدەری وەزیری دەرەوەی ئەمەریکا کرد

ھەولێر ـ AA

ئەمڕۆ سێشەممە سەرۆکی حکومەتی ھەرێمی کوردستان، مەسرور بارزانی لە شاری ھەولێر پێشوازیی لە یاریدەدەری وەزیری دەرەوەی ئەمەریکا بۆ کاروباری خۆرھەڵاتی نزیک، دەیڤد شنکەر کرد.

بەگوێرەی ھەواڵێکی ماڵپەڕی فەڕمی حکوومەتی ھەرێمی کوردستان، لە کۆبوونەوەکەدا کە باڵیۆزی ئەمەریکا لە عێراق،ماتیۆ تولەر ئامادەی بوو، گفتوگۆ لەربارەی گۆڕانکارییەکانی عێراق و سووریا کراوە .

لەم چوارچێوەیەشدا باس لەپێویستیی ھاوکاری کردنی ھەرێمی کوردستان لەلایەن کۆمەڵگەی نێودەوڵەتیی لە حەواندنەوەی ئاوارە و پەنابەران کرا کە بە ھۆی شەڕ و ئاڵۆزییەکانی ناوچەکە روویان لە ھەرێمی کوردستان کردووە.

لە تەوەرێکی دیکەی کۆبوونەوەکەدا ، پرۆسەی گفتوگۆی نێوان ھەرێمی کوردستان و حکوومەتی فیدراڵی عێراق تاوتوێ کرا و ئاماژە بەوە درا حکوومەتی ھەرێم چەندین پێشنیاری بۆ چارەسەرکردنی کێشەکان خستووەتە روو ، بۆیە چاوەڕێن بەغدا ھەنگاوی جددی بۆ چارەسەرکردنی کێشەکان بھاوێژێت لە سەر بنەمای دەستوور.