هەولێر AA
بەڕێوەبەرایەتی گشتیی ئاسایشی هەولێر لە راگەیەندراوێکدا لەناوبردنی پێنج هەزار دەمانچەی نایاسایی راگەیاند کە پێشتر لە ئۆپەراسیۆنی هێزەکانی ئاسایشدا لە شاری هەولێر دەستی بەسەردا گیرابوو.
ئاسایشی هەولێر رایگەیاندووە "ئەمڕۆ ١٢ی تشرینی دووەم بەڕێوەبەرایەتییەکەمان پێنج هەزار پارچە چەکی لە جۆری دەمانچەی تورکی لەناوبرد کە لەماوەی رابردوو لەلایەن بەڕێوەبەرایەتییەکانمانەوە دەستیان بەسەرداگیرابوو، دوای تەواوبوونی رێکارە یاساییەکان بڕیاری لەناوبردنیان درابوو".
راشیانگەیاندووە کە بەردەوام دەبن لەدەستبەسەرداگرتنی هەموو ئەو چەکە بێ مۆڵەت و قەدەغەکراوانەی کە بوونەتە هۆی مەترسی و تاوانکاری لەناو کۆمەڵگادا.
