لە نزیک موسڵ چادرگەی تایبەت بە ئاوارە دروست دەکرێت

لەگەڵ بەڕێوەچوونی ئۆپەراسیۆنەکانی ئازاد کردنەوەی موسڵ لە دەست تیرۆریستانی داعش، لەبەرەکانی دواوە،دروست کردنی چادرگە دەستیان پێکرد .

بەمەبەستی جێگیر کردنی ئەو ئاوارانەی بەهۆی شەروپێکدادانەکانەوە هەڵدێن لە ناوچەکانی دەستی داعش، لەدوری ٤٠ کم لە ناوەندی شاری موسڵەوە، چادرگە ئامادە دەکرێت .

کەمپەکە چواردەوری بەتەل دەگیرێت و لەلایەکی تریشەوە بە شۆفڵ رێگای بۆ دیاری دەکرێت.

کەمپەکە لە نزیک گوندی حەسەن شام سەر بە شارۆچکەی حەمدانەیەی موسڵ دروست دەکرێت و لەلایەن هێزەکانی پێشمەرگەوە ئاسایشی دەپارێزرێت.

لە ئێستادا نزیکەی دوو ملیۆن کەس لەو ناوچانە دەژین کە لەژێر دەستی داعشدان .