Ihvan Radoykov
21 Ноември 2021•Ажурирај: 22 Ноември 2021
СОФИЈА
Во Бугарија денес се одржува вториот круг претседателски избори на кои гласачите го бираат новиот претседател на државата, јавува Агенција Анадолија (АА).
Во првиот круг на изборите излезноста беше околу 40 проценти, а ниту еден кандидат не освои повеќе од половина од мнозинството, па во вториот круг влегоа двајцата кандидати со најмногу освоени гласови.
Бугарските гласачи бираат помеѓу актуелниот претседател Румен Радев и ректорот на Универзитетот во Софија, Анастас Гержиков.
Радев во првиот круг освои 49,4 проценти од гласовите, а Гержиков како кандидат на Партијата на граѓаните за европски развој на Бугарија (GERB), на поранешниот премиер Бојко Борисов, освои 22,8 проценти од гласовите.
Мустафа Карадаји, шефот на партијата Движење на правата и слободата (MRF), единствениот кандидат што ги претставува Турците и другите муслимани, го зазеде третото место во првиот круг, со 11,5 проценти од освоените гласови.
Преку 6,6 милиони граѓани се регистрирани за гласање на 13.200 избирачки места во Бугарија и 750 гласачки места во 67 други земји.
Бугарското Министерство за внатрешни работи ангажира повеќе од 16.000 службеници за безбедност при изборниот процес.
Гласањето ќе биде завршено во 20 часот по локално време.
