Косово: Детектирани 774 лица позитивни на Ковид-19, починаа 4 лица

ПРИШТИНА

Во последните 24 часа во Косово тестирани се 3.586 примероци сомнителни на коронавирус, од кои 774 се позитивни, пренесува Агенција Анадолија (АА).

Националниот институт за јавно здравје на Косово информираше дека последното деноноќие од последиците на заразеност со Ковид-19 животот го загубиле 4 лица, вкупно 1.844 од почетокот на пандемијата.

Од почетокот на пандемијата досега тестирани се 418.488 примероци сомнителни на коронавирус, од кои 88.755 случаи се позитивни.

Во последните 24 часа оздравеа 903 лица, со што вкупната бројка на оздравени во Косово се зголеми на 73.318. Во моментов во таа земја активни се 13.593 случаи на зараза со Ковид-19.