Годишната стапка на инфлација во Австрија на највисоко ниво во 47 години

ИСТАНБУЛ (АА) - Годишната стапка на инфлација во Австрија се искачи на 8,7 проценти во јуни, што е највисоката забележана стапка од септември 1975 година, според официјалните бројки објавени денес, јавува Агенција Анадолија (АА).

Горивата, храната и енергијата за домаќинствата се најзначајните двигатели на цените, истакна Заводот за статистика на Австрија.

Стапката на инфлација е 63,2 проценти на горивата, 109,6 проценти на нафтата за греење, 71 процент на природниот гас и 11,5 проценти на храната.