При посетата на Ердоган, потпишани четири договори меѓу Турција и Мадагаскар

АНТАНАНАРИВО (АА) - Турција и Мадагаскар потпишаа четири договори од различни сектори, јавува Anadolu Agency (AA).

Претседателот на Република Турција, Реџеп Таип Ердоган и турската делегација се во официјална посета на Мадагаскар, кој е последна станица од посетата на Ердоган во источна Африка.

Ердоган и претседателот на Мадагаскар, Хери Раџаонаримампианинa одржаа состанок, по што следеше церемонија за потпишување договори од дипломатијата, економијата и од други области.

Договорите од областа дипломатија, во име на турската страна ги потпиша министерот за надворешни работи на Турија, Мевлут Чавушоглу, а протоколот за примена на помош, министерот за економија на Турција, Нихат Зајбекџи.

Протоколот за соработка на Турската радиотелевизија (ТРТ) и државната радиотелевизија на Мадагаскар, во име на турската страна го потпиша генералниот директор на ТРТ, Шенол Ѓока.