Ердоган и Фон дер Лајен разговараа за односите меѓу Туркије и ЕУ

ИСТАНБУЛ (АА) - Претседателот на Туркије, Реџеп Таип Ердоган, вчера телефонски разговараше со Урсула фон дер Лајен, претседателката на Европската комисија, известува Анадолу.

Дирекцијата за комуникации на Туркије соопшти дека Ердоган и Фон дер Лајен разговарале за односите на Туркије и Европската Унија (ЕУ).

Фон дер Лајен му честитала на Ердоган за повторниот избор за претседател.

Ердоган во разговорот истакнал дека јакнењето на соработката на ЕУ со Туркије е модалитет за успешна борба со предизвиците со кои се соочуваат на регионално ниво.

Ердоган посочил и дека праведниот третман на ЕУ кон Туркије и поддршката за полноправно членство ќе биде од клучно значење за отворање на нови хоризонти во меѓусебните односи.