Трамп размислува да ја посети Туркије при неговата турнеја низ Блискиот Исток

Американскиот претседател Доналд Трамп размислува да ја додаде Туркије во неговата претстојна турнеја на Блискиот Исток следниот месец, објави денес „Си-ен-ен на арапски јазик“, пренесува Анадолу.

Потенцијалната посета би дошла по посетите на Саудиска Арабија, Катар и Обединетите Арапски Емирати, според висок претставник на Белата куќа и двајца извори запознаени со планот, кои дале изјава за „Си-ен-ен“.

Не е донесена конечна одлука, а деталите се финализираат, велат изворите.

Висок претставник на Белата куќа за медиумскиот канал истакнува дека Трамп разговарал за посета за време на неодамнешниот телефонски разговор со турскиот претседател Реџеп Таип Ердоган.

Американскиот претседател не планира да го посети Израел во рамки на турнејата, според изворите.

Белата куќа веднаш не одговори на барањето на Анадолу за коментар.

Трамп претходно изрази позитивен сентимент за неговиот однос со Ердоган.

„Имам многу, многу добри односи со Туркије и со нејзиниот лидер“, рече Трамп претходно оваа недела, во Белата куќа.

Тој за Ердоган рече дека е „цврст човек, тој е многу паметен, и направи нешто што никој не можеше да го направи“, мислејќи на коментарите дека верува дека „Туркије е таа“ што го предизвикала падот на поранешниот долгогодишен владетел на Сирија, Башар ал-Асад.

Доколку се реализира посетата, тоа ќе биде прва посета на Трамп во Туркије како претседател. Неговиот претходник, Џорџ Буш, ја посети Туркије во 2004 година, додека Барак Обама во 2009 и 2015 година.