Michael Gabriel Hernandez
12 Септември 2025•Ажурирај: 15 Септември 2025
ВАШИНГТОН (АА) - Гувернерот на Јута, Спенсер Кокс, денес како Тајлер Робинсон, роден во Јута, го идентификуваше осомничениот за кој се верува дека го извршил убиството на американскиот конзервативен коментатор Чарли Кирк, известува Анадолу.
„Го фативме“, им рече Кокс на новинарите на прес-конференцијата по над 24-часовната потрага. „Вечерта на 11 септември член на семејството на Тајлер Робинсон контактирал со семеен пријател, а тој контактирал со канцеларијата на шерифот на округот Вашингтон со информации дека Робинсон им признал или имплицирал дека го извршил инцидентот.“
Кокс рече дека во моментов властите веруваат дека Робинсон дејствувал сам. Тој рече дека член на семејството, кого не го идентификувал, им кажал на истражителите дека Робинсон станал „пополитичен последните години“.
„Членот на семејството наведе неодамнешен инцидент кога пред 10 септември Робинсон дошол на вечера, и во разговор со друг член на семејството Робинсон спомнал дека Чарли Кирк доаѓа на Универзитетот 'Јута'. Тие разговарале за тоа зошто не го сакаат и за неговите ставови. Членот на семејството рекол и дека Кирк бил полн со омраза и ширел омраза“, рече тој.
Претседателот на САД, Доналд Трамп, претходно изјави дека таткото на осомничениот одиграл клучна улога во приведувањето на Робинсон.
Робинсон бил приведен во 22 часот по локално време (05:00 по средноевропско време), изјави директорот на ФБИ, Кеш Пател.
Гувернерот на Јута, Кокс, рече дека истражителите ги пребарувале снимките од безбедносните камери на Универзитетот „Јута“, каде што се случил нападот во средата, при што пронашле снимки на кои се чини дека се гледа како Робинсон пристигнува во кампусот во раните утрински часови.
На снимката е прикажан Робинсон во кафеава маичка, светли шорцеви, црна шапка и светли чевли. Облеката одговарала на облеката што ја носел Робинсон кога бил приведен во раните утрински часови денес.
