Во Израел регистрирани над 4.500 нови случаи на Ковид-19

ЕРУСАЛИМ (АА) - Во Израел денеска се регистрирани 4.674 нови случаи на Ковид-19, соопшти израелското Министерство за здравство, пренеусва Агенција Анадолија (АА).

„Вкупниот број на заразени со Ковид-19 изнесува 278.585, вклучувајќи 1.803 смртни случаи и 215.181 оздравени“, се вели во соопштението.

„Најмалку 855 пациенти се во критична состојба“, се додава.

Поради големото зголемување на случаите на Ковид-19 во Израел, одлуката за карантин донесена пред околу десет дена ќе се спроведе до 14 октомври.

Минатата недела израелскиот премиер Бенјамин Нетанјаху изјави дека карантинот ќе биде укинуван полека, а дека тој постепен процес може да трае дури и цела година.