Во Норвешка падна мал авион: Загинаа 3 лица

СТОКХОЛМ (АА) - Најмалку три лица загинаа при пад на мал авион во близина на Ларвик во Норвешка, пренесува Агенција Анадолија (АА).

Како што пренесува норвешката телевизија НРК, шефот на полицијата во Ларвик, Тор Ериксен, изјавил дека мал авион паднал за време на обука.

Ериксен нагласи дека засега не е позната причината за несреќата.

„Несреќата се случи изутрина. Авионот се сруши на тешко достапно подрачје. Нашата потрага продолжува, но можам да кажам да не се надеваме дека лицата од авионот ќе ги пронајдеме живи. Можам да кажам дека се мртви“, истакна Ериксен.

Во соопштението на Академијата за летање на пилоти „Торп“ се вели дека урнатиот авион бил нивен.